المطبات في مصر

تعالو نعرف مع بعض ايه انواع المطبات في مصر

الاول : #مطب_الحكومه : وده مطلب غبي اوووووي تعرفه بعد ما تعدي من عليها وربنا يكرمك وعربيتك متتكسر تقول ايه المطب الغبي ده يبقي اكيد قصدك علي #مطب_الحكومه

الثاني : #مطب_الحادثه : من بعد الثوره اي مكان يحصل فيه حدثه تلاقي اتعمل مكانه مطب متعرفش بقي ديه طقوس ولا تمجيدا للحادثه

الثالث : #مطلب_المنطقه_السكنيه : في بعض المناطق السكنيه بتعمل مطب علي الطريقه عشان تميز منطقتها يبقي وهو في الميكروباص يقولك بعد المطب ياسطي

الرابع : #مطب_البلطجه : وده طبعا معروف وبيكون علي الطرق السريعه او الدولي او الصحراوي والهدف الاساسي منه هو البلطجه والسرقه بالاكراه

الخامس : #مطب_التسول : وده بتلاقيه قبل دوران او في المنطقه الزحمه جدا الي موش مستحقيه اصلا مطب بس بتسهل للمتسولين الحركه في الشارع

السادس : #مطب_المطلحه : ده بقي تلاقي واحد عامل كشك سجاير او ببيبيع شاي او حتي بيشوي ذره يجي عامل مطب قدام منه عشان يجيب الزبزن بالعافيه وغالبا ما يستخدم هذا النوع مثلا النوع الرابع #مطب_البلطجه وده في حاله انك محققتش هدف المطلب وهو المصلحه