شمال

بتحط ايدك عليها وتقول .. شمال
بتتحرش بيها وهي ماشيه وتقول .. شمال
لابسه طرحه ومطلعه نص شعرها بره وتقول .. شمال
محجبه ولابسه واسع وبتقول عليها .. شمال
واحده صغيره في السن وماشيه مع جوزها بتقول عليها .. شمال
واحده ماشيه مع ابوها وامها ومش محجبه مش هي بس اللي شمال ده اللي ماشيين معاها بقو .. شمال عشان مش مربيانها
منقبه .. ياما تحت السواهي دواهي وبرضه بتقول .. شمال
واحد اتحرش بواحده في الشارع زي اختك بتسيبو وتهرب زي الكلب ليه
بتشرب سجاير وحشيش ليه
بتضحك علي بنات الناس ليه
بص لنفسك في المرايه وشوف انت عصيت ربنا قد ايه
علي فكره مش هما اللي شمال
انت بس اللي اتشقلب بيك الحال
مجتمع ‫#‏الرجاله‬ فيه بقوا يتعدوا على صوابع الايد !